ବୁଢ଼ା ତେନ୍ତୁଳିଗଛର ସବା ଆଗରେ ବସିଯାଇଛନ୍ତି ଧଳାବଗ ଧାଡ଼ିକି ଧାଡ଼ି । ଓଃ, କେତେ ବଗ । କେଡ଼େ ଧଳା । ମୁହଁଟିମାନ ଉପରକୁ, ହଲ ନାହିଁ ଚଲ ନାହିଁ । ମନେ ପଡ଼ନ୍ତି ପୁରୋହିତ ଆପଣେ । ତା’ପରେ ମନେପଡ଼େ ଖଇ, କାକୁଡ଼ି । ଆମ୍ବଗଛରୁ ଆମ୍ବଗଛ କୁଦା ମାରି ମାଙ୍କଡ଼ ଖଖଃଖେଁ–ହୁଂ–ହାଂ–କେଡ଼େ ଲମ୍ବା ହୋଇ ଓହଳିଛି ବୁଢ଼ାଗେଧର ଲାଙ୍ଗୁଡ଼ । ସେପାଖେ ଖେତରେ ଦିଶୁଛି ଭୋଦେଇ ଧାନ ହଳଦି ଗରଗର । ପ୍ରଜାପତି ଉଡ଼ୁଛନ୍ତି । ଓଃ, କେତେ ! ତା’ ତଳେ କଅଁଳା ବାଛୁରୀ ପରି କୁଦା ମାରି ବୁଲୁଛି ଝିଅଟା ।
ଲେଖକ- ଶ୍ରୀ ଗୋପୀନାଥ ମହାନ୍ତି ଅଧିକ ଜାଣନ୍ତୁ... ପୃଷ୍ଠା ନମ୍ବର: ୫୫
Copyright © 2025 Odia Virtual Academy. All rights reserved Total Visitors- 1
Powered by: Odia Virtual Academy
