ଓଡ଼ିଆ କୃଷକ ଏତେ ଗରିବ ଯେ ଯାହା କିଛି ରୋଜଗାର କରେ, ସେଥିରୁ କିଛି ବଞ୍ଚାଇ ରଖି ପାରେ ନାହିଁ । କ୍ଷେତରୁ ତା’ର ଯାହା ଆୟ ହୁଏ, ତାହା ବ୍ୟୟପାଇଁ ଅନେକ ସମୟରେ ନିଅଣ୍ଟ ପଡ଼େ । ଭବିଷ୍ୟତ୍ ପାଇଁ କିଛି ସଞ୍ଚୟ କରି ରଖିବା ତା’ ପକ୍ଷରେ ଏକାନ୍ତ ଅସମ୍ଭବ । ସେହି ହେତୁ ଯେତେବେଳେ ଫସଲ ଅବସ୍ଥା ଖରାପ ହୋଇଯାଏ, ତା’ର ପ୍ରତିକାର କିମ୍ବା ଆଉ ବର୍ଷକର ଭରଣପୋଷଣ ପାଇଁ ତା’ ପାଖରେ କିଛି ଗଛିତ ନ ଥାଏ । ଫସଲ ନଷ୍ଟ ହେଲାମାତ୍ରେ ଦୁର୍ଭିକ୍ଷ ଦେଖାଦିଏ ଏବଂ ଅନ୍ନ ନ ପାଇ ନିରୁପାୟ ହୋଇ ଲୋକେ ମୃତ୍ୟୁ ମୁଖରେ ପତିତ ହୁଅନ୍ତି ।
Copyright © 2025 Odia Virtual Academy. All rights reserved Total Visitors- 1
Powered by: Odia Virtual Academy