ସମୟ ଓ ସଂଘର୍ଷର ପ୍ରତ୍ୟେକ ନୂତନ ପରିସ୍ଥିତିରେ ସାମାଜିକ ମୂଲ୍ୟବୋଧର ପରିବର୍ତ୍ତନ ଘଟି ନୂତନ ମୂଲ୍ୟବୋଧର ଜୀବନ–ଚେତନା ଜାଗ୍ରତ ହେବା ନିତାନ୍ତ ସ୍ଵାଭାବିକ । ଏହି ନୂତନ ପରିସ୍ଥିତିରେ ସାହିତ୍ୟର ସଂସ୍କାର ତଥା ପ୍ରେରଣାରେ ମଧ୍ୟ ପରିବର୍ତ୍ତନ ଘଟିଥାଏ । ପୁନଶ୍ଚ ସାଂପ୍ରତିକ ସମାଜରେ ଜୀବନର କ୍ରିୟା ଓ ପ୍ରକ୍ରିୟା ଅଧିକ ଗତିଶୀଳ ହେବା ଫଳରେ ସାହିତ୍ୟର ସମ୍ପୂର୍ଣ୍ଣ ସ୍ଵରୂପରେ ପରିବର୍ତ୍ତନ ପରିଲକ୍ଷିତ ହେବା ଆଦୌ ବିଚିତ୍ର ନୁହେଁ । ବସ୍ତୁତଃ ଏହି ପରିବର୍ତ୍ତନର ସ୍ୱର ଓ ସ୍ୱାକ୍ଷର କ୍ରାନ୍ତିକାରୀ ଚେତନା ବହନ କରିଥିବା ହେତୁ ‘ନୂତନ’ର ବିକାଶ ପରିବର୍ତ୍ତେ ସୃଷ୍ଟି ହୋଇଛି ଏକ ‘ସ୍ୱତନ୍ତ୍ର ଉଦ୍ଭାବନା’ ! ଏହି ଉଦ୍ଭାବନା ହିଁ ହେଉଛି : ଜୀବନ ପ୍ରତି ସ୍ୱତନ୍ତ୍ର ଦୃଷ୍ଟିଭଙ୍ଗୀ ଓ ସାହିତ୍ୟ–ସୃଷ୍ଟିର ନୂତନ ଅନ୍ତଃପ୍ରେରଣା ।
ଲେଖକ- ବୀଣାପାଣି ମହାନ୍ତି ଅଧିକ ଜାଣନ୍ତୁ...
Copyright © 2025 Odia Virtual Academy. All rights reserved Total Visitors- 1
Powered by: Odia Virtual Academy
