ଭରତ ନାମରେ ଜଣେ ମହାପ୍ରତାପୀ, ପରାକ୍ରମୀ ରାଜା ଥିଲେ । ପ୍ରଜାପାଳନ ଥିଲା ତାଙ୍କର ଧର୍ମ । ତାଙ୍କରି ନାମ ଅନୁସାରେ ଏ ଦେଶର ନାମ ହେଲା ଭାରତ । ଆର୍ଯ୍ୟମାନଙ୍କ ଭୂମି ବୋଲି କେହି କେହି ବି କହନ୍ତି ଆର୍ଯ୍ୟାବର୍ତ୍ତ । ଧର୍ମ ଖାଲି ଏ ଦେଶର ଲୋକମାନଙ୍କର ଚଳଣିରେ ପ୍ରତିଫଳିତ ହୁଏ ନାହିଁ, ଭାରତୀୟମାନଙ୍କ ବିଶ୍ଵାସ, ଜୀବନଧାରା, ଦର୍ଶନ ଓ ଆଦର୍ଶ ସହିତ ଧର୍ମ ସର୍ବତୋଭାବେ ଜଡ଼ିତ । ନୀତି, ନିୟମ, ଅନୁଶାସନ, ଉଦାରତା, ତ୍ୟାଗ, ସତ୍ୟନିଷ୍ଠା, ସାଧୁତା, ମାନବିକତା, ଦୟା, କ୍ଷମା, ସହନଶୀଳତା, ସହଯୋଗ ଜୀବନର ବ୍ରତ ଭାବରେ ଏ ଦେଶର ଜନଜୀବନରେ ଚଳିଆସୁଛି ବୋଲି ଏଠାରେ ଧର୍ମର ସଂଜ୍ଞା ଏତେ ବ୍ୟାପକ । ଭାରତର ଧର୍ମ ରିଲିଜନ୍ ନୁହେଁ । ସେଥିପାଇଁ କବିଗୁରୁ ରବୀନ୍ଦ୍ରନାଥ ଠାକୁର ଗାଇଥିଲେ– ‘‘ନାନା ଜାତି, ନାନା ଭାଷା, ନାନା ପରିଧାନ, ବିବିଧେର ମାଝେ ଦେଖ ମିଲନ ମହାନ ।’’
Copyright © 2025 Odia Virtual Academy. All rights reserved Total Visitors- 1
Powered by: Odia Virtual Academy
