କୋଡ଼ିଏ ବର୍ଷ ତଳେ ଜଣେ ବୈଜ୍ଞାନିକ ଲକ୍ଷ୍ୟ କରିଥିଲେ ଯେ, ଛୋଟ ପିଲାମାନେ ଶୋଇଥିବାବେଳେ ତାଙ୍କର ମୁଦିଲା ଆଖିର ପରଦା ତଳେ କଳା ଡୋଳା ଘୂରି ବୁଲୁଛି । ଏଥିରୁ ସେ ଗୋଟିଏ ତଥ୍ୟରେ ପହଞ୍ଚିଲେ ଯେ ଦିନବେଳେ ହେଉ ବା ରାତିବେଳେ ହେଉ ଡୋଳାର ତ୍ଵରାନ୍ଵିତ ଆନ୍ଦୋଳନ ଫଳରେ ସମସ୍ତେ ସ୍ଵପ୍ନ ଦେଖନ୍ତି । ଏହି ତଥ୍ୟ ଉପରେ ବର୍ତ୍ତମାନ ବିଭିନ୍ନ ଦେଶରେ ପରୀକ୍ଷାଚାଲିଛି । ସ୍ଵପ୍ନବେଳେ ଆଖିର କଳାଡୋଳା ଘୂରିବା ସଙ୍ଗେ ସଙ୍ଗେ ନିଃଶ୍ଵାସ ପ୍ରଶ୍ଵାସରେ ଅସ୍ଵାଭାବିକତା ଓ ଦୃଢ଼ତା ପରିଲକ୍ଷିତ ହୋଇଥାଏ । ହୃଦୟର ସ୍ପନ୍ଦନ କ୍ରିୟା ଓ ରକ୍ତଚାପ ମଧ୍ୟ ବଢ଼ିଯାଏ ଏବଂ ସ୍ଵପ୍ନଦେଖାଳୀ ସ୍ଵପ୍ନ ଦେଖୁଥିବା ପର୍ଯ୍ୟନ୍ତ ନିଶ୍ଚଳଭାବେ ପଡ଼ିରହେ । କେତେକ ସ୍ଵପ୍ନତତ୍ତ୍ୱବିଦ୍ ବିଲେଇଛୁଆ ତା’ର ଆଖି ଖୋଲିବା ପୂର୍ବ ମୁହୂର୍ତ୍ତ ପର୍ଯ୍ୟନ୍ତ ଏବଂ କୁକୁଡ଼ାଛୁଆ ଅଣ୍ଡା ଭିତରୁ ଠିକ୍ ବାହାରିବା ପୂର୍ବ ପର୍ଯ୍ୟନ୍ତ ସ୍ଵପ୍ନ ଦେଖୁଥାନ୍ତି କି ନାହିଁ, ତାହା ନିଧାର୍ଯ୍ୟଭାବେ ଜାଣିବା ଲାଗି ଲାଗିପଡ଼ିଛନ୍ତି ।
Copyright © 2025 Odia Virtual Academy. All rights reserved Total Visitors- 1
Powered by: Odia Virtual Academy
