ଏ ଅଟ୍ଟାଳିକାଟି ଲୋକାଳୟରୁ ବହୁ ଦୂରରେ ଅବସ୍ଥିତ । ସାମନାରେ ଶୁଖିଲା ମହାନଦୀ ବୁକୁର ଦିଗନ୍ତ ବିସ୍ତାରୀ ବାଲିଶଯ୍ୟା । ଉଦ୍ଦାମ ମୁକ୍ତବାୟୁ ସୁ ସୁ ହୋଇ ବହୁଛି । ଆଉ ତିନିପଟେ ବିସ୍ତୀର୍ଣ୍ଣ ଜନହୀନ ପ୍ରାନ୍ତର । ଅଟ୍ଟାଳିକାର ପୂର୍ବପଟେ ଗୋଟିଏ କ୍ଷୁଦ୍ର ସମାଧି ସ୍ଥାନ । ଛାୟାଚ୍ଛନ୍ନ ଓ ନିର୍ଜନ । କେତେଗୁଡ଼ିଏ ସିମେଣ୍ଟର ସ୍ମୃତିସ୍ତମ୍ଭ ଓ ପବିତ୍ର କ୍ରସ୍, କାଳର ଘାତପ୍ରତିଘାତ ସହ୍ୟ କରି ଏ ପର୍ଯ୍ୟନ୍ତ ମୁଣ୍ଡ ଟେକି ରହିଛି । ଡାକ୍ତର ଡାନିୟେଲ୍ ଏଠାରେ ଦୁଇବର୍ଷ ରହିବା ଭିତରେ ଏଇ ପ୍ରାଚୀନ ଅଟ୍ଟାଳିକାଟିର ଅନ୍ୟାନ୍ୟ ସ୍ଥାନପରି ଏଇ ସମାଧି ସ୍ଥାନଟି ମଧ୍ୟ ପରିଷ୍କାର ପରିଚ୍ଛନ୍ନ କରି ଦେଇଛନ୍ତି-। ତା’ ଛଡ଼ା କେତେଗୁଡ଼ିଏ ବିଲାତି ଫୁଲଗଛ ମଧ୍ୟ ଏଇ ସମାଧି ସ୍ଥାନଟିରେ ବୃଦ୍ଧ ଲଗାଇଛନ୍ତି ।
Copyright © 2025 Odia Virtual Academy. All rights reserved Total Visitors- 1
Powered by: Odia Virtual Academy
